- तबरेज शेख

Nashik :

दाेन महिन्यांचे वेतन न मिळाल्याने नाशिक शहरातील सिटी लिंक बस सेवेच्या (Nashik City Bus Service) कर्मचा-यांनी आज (गुरुवार) पुन्हा एकदा काम बंद आंदाेलन छेडले आहे. यामुळे सिटी लिंकच्या तपोवन बस डेपोतील (tapovan bus depot) बस सेवा ठप्प झाल्याचे चित्र सकाळ सकाळी पाहयला मिळत आहे. (Maharashtra News)

सिटी लिंक बसच्या कर्मचाऱ्यांनी प्रशासनाने आश्वासन देऊनही वाहकांचे दोन महिन्यांचे पगार रखडले आहेत. यामुळे कर्मचा-यांनी तपोवन बस डेपोमधून बस बाहेर काढण्यास आज नकार दिला. त्यांनी संपाची भूमिका घेतली आहे. परिणामी शहर बस वाहतुकीच्या फेऱ्यांवर परिणाम झाला आहे.

गेल्या दीड वर्षातील वाहकांनी पुकारलेला आजचा हा 8 आठवा संप आहे. बससेवा ठप्प झाल्याने विद्यार्थी, नागरिकांचे मोठ्या प्रमाणावर हाल होताना दिसत आहे. अनेकांना खासगी वाहनांचा आधार घेत इच्छित स्थळी जावे लागत आहे. परिणामी नाशिककरांना आर्थिक भुर्दंड साेसावा लागत आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar