अजय सोनवणे, नाशिक, ता. २६ नोव्हेंबर २०२३

Nashik Accident News:

नाशिकमधून एक भीषण अपघाताची घटना समोर आली आहे. नाशिकच्या मनमाड-मालेगाव राज्यमहामार्गा वर चौंढी घाटात कॅटेनर आणि कार चा भीषण अपघात झाला. या अपघातात कारमधील एकाचा मृत्यू झाला असून ३ जण जखमी झाले आहेत. अपघातानंतर कंटेनर पलटी झाल्याने महामार्गावर मोठी वाहतुक कोंडी झाली.

याबाबत समोर आलेल्या माहितीनुसार, मनमाड- मालेगाव राज्य महामार्गावरील चौंढी घाटात रविवारी (२६,नोव्हेंबर) कंटेनर आणि कारचा भीषण अपघात झाला. कारमधील चारही तरुण हे शिर्डीकडे जात होते. कंटेनर पलटी होऊन कारवर आदळल्याने हा अपघात झाल्याचे सांगण्यात येत असून यामध्ये कारमधील एकाचा मृत्यू झाला असून ३ जण गंभीर जखमी झालेत.

या अपघाताची माहिती मिळताच चौंढी गावातील नागरिकांसह पोलिसांनी अपघातस्थळी धाव घेत जखमींना बाहेर काढण्यासाठी केली मदत केली. अपघातातील तिघा जखमींना मालेगाव येथे उपचारासाठी पाठवण्यात आले आहे.

अपघातानंतर कंटेनर महामार्गावर पलटी झाल्याने मोठी वाहतूक कोंडी झाल्याचे पाहायला मिळाले. त्यामुळे महामार्गावर वाहनांच्या लांबच लांब रांगा लागल्या. दरम्यान, पोलिसांनी स्थानिकांच्या मदतीने क्रेनच्या साहाय्याने अपघातग्रस्त कंटेनर बाजूला काढून वाहतुक सुरळीत केली.

भंडाऱ्यात भीषण अपघात..

भंडाऱ्यामधून (Bhandara) एक भीषण अपघाताची घटना समोर आली आहे. भंडाऱ्यामध्ये दुचाकीस्वाराला भरधाव ट्रकने पाठीमागून धडक दिल्याने हा अपघात झाला. यामध्ये दुचाकीवरील तरुणाचा जागीच मृत्यू झाला. या अपघातानंतर नागरिकांनी रास्ता रोको करत संताप व्यक्त केला. (Latest Marathi News)

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)