नाशिक: देशात कोरोनाने (Corona) अनेक बालकांच्या आई-वडीलांनाचा मृत्यू झाला. कुटुंब रस्त्यावर आली. केंद्र सरकार आणि राज्य सरकारने (State Government) वेळोवेळी मदत जाहिर केली. परंतु असे अनेक बालकं आहेत त्यांना कसलीही मदत पोहोचली नाहीये. आता नाशिकच्या (Nashik) प्रशासकीय अधिकाऱ्यांनी एक पाऊत पुढे टाकले आहे. कोरोनामुळे आई-वडील गमावलेल्या बालकांना महसूल अधिकारी दत्तक घेणार आहेत. कोरोनामुळे दोन्ही पालक गमावलेल्या नाशिक जिल्ह्यातील बालकांना दत्तक घेतलं जाणार आहे. (Latest Nashik News In Marathi)

जिल्हाधिकाऱ्यांसह, निवासी जिल्हाधिकारी, उपजिल्हाधिकारी, तहसीलदार असे महसूल अधिकारी 52 मुलांना दत्तक घेणार आहेत. जिल्ह्यात कोरोनामुळे दोन्ही पालक गमावलेल्या 52 बालकांना महसूल अधिकारी दत्तक घेणार आहेत. जिल्हाधिकाऱ्यांसह वरिष्ठ महसूल अधिकारी 52 बालकांचं पालकत्व स्विकारणार आहेत. पालकत्व स्विकारण्यासोबतच शासकीय मदत दूत म्हणूनही काम करणार आहेत. नाशिकचे जिल्हाधिकारी सूरज मांढरे यांच्या या निर्णयाचं सर्व स्तरातून कौतुक होत आहे. या निर्णयामुळे आई-वडीलांचे छत्र हरवलेल्या अनेक बालकांना मदत होणार आहे.

Edited By: Pravin Dhamale