>> तबरेज शेख

नाशिक : नाशिकमध्ये अपघाताचे सत्र सुरूच आहे. एका विचित्र अपघातात 4 महाविद्यालयीन तरुणींचा मृत्यू झाल्याची प्राथमिक माहिती समोर येत आहे. सिन्नरच्या मोहदरी घाटात तीन गाड्यांचा विचित्र अपघात झाला आहे. (Nashik News)

अपघातानंतर गाड्यांच्या फोटोंवरुन अपघातांचा अंदाज लावला जाऊ शकतो. गाड्यांचा अक्षरश: चक्काचूर झाला आहे. सिन्नरकडून येत असताना गाडीवरचा ताबा सुटल्याने हा अपघात झाल्याची माहिती मिळत आहे. (Latest Marathi News)

काल झालेल्या भीषण अपघातात 5 जणांचा मृत्यू

काल नाशिक-सिन्नर महामार्गावर तीन वाहनांचा अपघात झाला होता.एसटी बसने तीन ते चार दुचाकीस्वारांना चिरडत पेट घेतला होता. या भीषण अपघातात चार ते पाच जणांचा मृत्यू झाला आहे.

पळसे गावाजवळ असलेल्या स्पीड ब्रेकरवर वाहनांचा वेग कमी झाल्याने पाठीमागून येणारी पुणे-नाशिक एसटी बस पुढील ३ दुचाकी आणि एसटी बसला धडकल्याने अपघात झाला आहे.या अपघातात २ दुचाकी चालकांचा जागीच मृत्यू झाला आहे.