तबरेज शेख

नाशिक : नाशिकमधून अपघाताचं मोठं वृत्त समोर आलं आहे. एका बसने दोन दुचाकीस्वारांना उडवल्याची घटना घडली आहे. नाशिक - त्रंबकेश्वर रस्त्यावर ही प्रवासी बस उलटल्याची घटना घडली. या अपघातात एका दुचाकीस्वाराचा मृत्यू झाला आहे. तर चार जण जखमी झाले आहेत. या अपघातानंतर परिसरात एक खळबळ उडाली. (Latest Marathi News)

मिळालेल्या माहितीनुसार, नाशिक- त्रंबकेश्वर (Nashik) रस्त्यावर प्रवासी बस उलटून अपघात झाल्याची घटना घडली आहे. टायर फुटल्याने फुटल्याने बस बेळगाव ढगाजवळ उलटली. या अपघातात दोन दुचाकीस्वारांना बसने उडवले आहे. या अपघातात (Accident) दुचाकीस्वाराचा मृत्यू झाला आहे. तर या अपघातात एकूण चार जण जखमी झाले आहेत. अपघातानंतर परिसरात एकच खळबळ उडाली. त्यानंतर अपघातात जखमी झालेल्यांना उपचारासाठी जवळील रुग्णालयात दाखल करण्यात आले.

समृद्धी महामार्गावर भीषण अपघात

समृद्धी महामार्गावरील अपघाताची मालिका कमी होण्याचं नाव नाही. काल समृद्धी महामार्गावर ट्रकला भीषण अपघात झाला. अमरावती जिल्ह्यातील धामणगाव रेल्वे तालुक्यातील शेंदुरजनाजवळ हा अपघात झाला. महामार्गावरून ट्रक थेट पुलावरुन खाली कोसळला. या अपघातात एकाचा मृत्यू झाला आहे तर एकजण गंभीर जखमी आहे.

मिळालेल्या माहितीनुसार, ट्रक नागपूरहून मुंबईकडे जात होता. चालकाचे ट्रकवरील नियंत्रण सुटल्याने अपघात झाल्याची माहिती आहे. अपघाताची माहिती मिळाताच पोलीस घटनास्थळी पोहोचले.

शिवभक्तांच्या गाडीला अपघात

बेंगलोर-मुंबई हायवेवर शिवभक्तांच्या वाहनाचा अपघात झाला. कात्रज देहूरोड बायपासच्या ताथवडे येथे एका टेम्पोचा अपघात झाला . कंटेनरने मागून जोरदार धडक दिल्याने हा अपघात झाला. यात अनेक शिवभक्त जखमी झाले.