सागर निकवाडे 

नंदुरबार : मागील दोन- तीन दिवसांपासून नंदुरबार जिल्ह्यासह सातपुड्याचा परिसरात पावसाची संततधार सुरु आहे. यामुळे जनजीवन विस्कळीत झाले आहे. या पावसामुळे प्रचंड नुकसान झाले असून संततधार पावसामुळे जिल्ह्यातील तळोदा तालुक्यातील लक्कडकोट गावात एक घर कोसळल्याची घटना घडली. यात कुटुंबातील चौघे जखमी झाले आहेत. 

नंदुरबार (Nandurbar) जिल्ह्यासह परिसरात सुरू असलेल्या संततधार पावसामुळे तळोदा (Taloda) तालुक्यातील लक्कडकोट गावात एक घर कोसळले. घर कोसळल्याने मोठ्या प्रमाणात आर्थिक नुकसान झाले आहे. जागल्या फुल्या पाडवी यांचे घर संततधार पावसामुळे कोसळले असून यात परिवारातील जागत्या पाडवी, बाजू पाडवी, पवन पाडवी, लवीबाई पाडवी ये चार जण जखमी झाले आहे. या घटनेत जखमी झालेल्या चौघांवर तळोदा ग्रामीण रुग्णालयात उपचार करण्यात येत आहेत.

दोन गायींचा मृत्यू 

दरम्यान घर कोसळले त्याच्या बाजूला जनावरे देखील बांधलेली होती. यामध्ये घराच्या भिंडीखाली दाबल्या गेल्याने दोन गाईंचा मृत्यू झाला आहे. (Rain) सदर घटनेची माहिती मिळाल्यानंतर याठिकाणी मदतकार्य राबविण्यात आले. तर महसूल विभागाला याची माहिती देण्यात आली असून महसूल विभागाच्या वतीने नुकसानीचे पंचनामे करण्यात आले आहेत.