नंदुरबार : नंदुरबार जिल्ह्यातील सातपुडाचा दुर्गम भागात आणि तळोदा, अक्कलकुवा (Akkalkuwa) तालुक्यात मोठ्या प्रमाणात परतीचा पावसामुळे शेतकऱ्यांचे (Farmer) नुकसान झाले. या परिसरात ओला दुष्‍काळ जाहीर करावा; यासाठी लोकसंघर्ष मोर्चातर्फे जिल्‍हाधिकारी कार्यालयाबाहेर आंदोलन केले जात आहे. (Tajya Batmya)

सातपुड्याच्या डोंगरांमध्ये सतत होणाऱ्या (Rain) पावसामुळे या वर्षाचा खरीप हंगाम वाया गेला असला तरी प्रशासनाच्यावतीने (Nandurbar News) आदिवासी शेतकऱ्यांच्या नुकसानीचे अजूनही पंचनामे करण्यात आलेले नाही. शेतकऱ्यांच्या नुकसानीचे पंचनामे करण्यात येऊन शेतकऱ्यांना नुकसान भरपाई देण्यात यावी. तसेच या आदिवासी बांधवांचे वन हक्क दावे फेटाळण्यात आले आहेत. त्या परिवारांचे वनहक्क दावे त्वरित मंजूर करण्यात यावे. यासह आदी मागण्यासाठी नंदुरबार जिल्हाधिकारी कार्यालयासमोर लोक संघर्ष मोर्चाच्या वतीने निदर्शने करण्यात आली.

कार्यकर्ते व पोलिसात शाब्‍दीक चकमक

यावेळी आपल्या मागण्यांसाठी जिल्हाधिकारी कार्यालयात प्रवेश करणाऱ्या कार्यकर्ते आणि पोलिसात शाब्दिक चकमक झाल्याचे ही पाहण्यास मिळाले. जिल्हा प्रशासनाच्यावतीने मागण्यांची पंधरा दिवसात दखल घेतली गेली नाही; तर दिल्लीत आंदोलनाचा इशारा लोक संघर्ष मोर्चाच्या नेत्या प्रतिभा शिंदे यांनी दिला आहे. या आंदोलनात माजी मंत्री पद्माकर वडवी त्यासोबत लोक संघर्ष मोर्चाचे कार्यकर्ते मोठ्या संख्येने सहभागी झाले होते.