सागर निकवाडे

नंदूरबार : नंदुरबार जिल्ह्यात वातावरणातील बदलामुळे तापमानात वाढ (Heat Wave) झाली आहे. आठवड्याभरात कमाल (Temprature) तापमान ४२ ते ४५ अंश सेल्सिअसपर्यंत जाण्याचा अंदाज हवामान खात्यातर्फे व्यक्त करण्यात आला आहे. (Latest Marathi News)

राज्याच्या उत्तर आणि पश्चिमेकडील भागातून उष्ण आणि कोरडे वारे वाहत असल्याने अचानक तापमानात वाढ झाल्याचे दिसून येत आहे. पुढील काही दिवस तापमान जास्त राहील. कमाल तापमानात वाढ होऊन पारा ४२ ते ४५ अंश सेल्सिअसपर्यंत जाण्याचा अंदाज कृषी विज्ञान केंद्राच्या हवामान खात्याच्या वतीने व्यक्त करण्यात आला आहे.

नंदुरबार जिल्ह्यात आठवडाभरात तापमानात प्रचंड अशी वाढ होणार असून मे हिटचा तडाखा जाणवायला सुरवात झाली आहे. या काळात नागरिकांनी आणि शेतकऱ्यांनी योग्य ती काळजी घ्यावी लागवड करण्यात आलेल्या फळ पिकांची काळजी घेण्याचे आवाहन कृषी विभागाच्या वतीने व्यक्त करण्यात आले आहे. तर नागरिकांनी दुपारी १२ ते ४ या काळात बाहेर पडू नये. उन्हापासून बचावासाठी योग्य ती काळजी घेण्याचे आवाहन करण्यात आले आहे.