नंदुरबार : नंदुरबारहुन उधनाकडे जाणाऱ्या पैसेंजर रेल्वेच्या प्रवासादरम्यान दरवाज्यात बसण्याच्या वादातून एका १७ वर्षीय युवकाला चिंचपाडा ते खातगाव दरम्यान असलेल्या पुलावरुन रेल्वे जात असताना रेल्वेतून कोसळून मृत्यू झाल्याची घटना घडली आहे. (nandurbar-news-Udhana-railway-passenger-Youth-dies-after-being-thrown-from-running-train)

रेल्वेच्या (Railway) दरवाज्यात बसण्याच्या वादातून फरहाज कुरेशी हाजी मोबीन व संदीप गणेश वळवी यांच्यात हाणामारी झाली. या भांडणात फरहाज कुरेशी हाजी मोबीन (वय १७, रा. कुरेशी मोहल्ला, नंदुरबार) याला गाडीतून फेकले. गाडी पुलावरून जात असताना फेकल्‍याने पुलावरून ३० फुट खाली नदीत पडल्याने जागीच मृत्यू झाला आहे.

प्रवाशांनी पकडून दिले ताब्‍यात

प्रवाशांनी संदीप गणेश वळवी यास चिंचपाडा स्टेशन मास्तर कार्यालयात पकडुन ताब्यात दिले. सध्या तो विसरवाडी पोलिसांच्या ताब्यात आहे. घटनेची माहिती मिळताच रेल्वे पोलीस (Railway Police) व विसरवाडी पोलिसांनी कायदेशीर कारवाई करून संशयित आरोपी संदीप गणेश वळवी याला अटक करून गुन्हा दाखल केला आहे. सदर घटनेबाबत अधिक तपास विसरवाडी पोलीस ठाण्याचे सहाय्यक पोलीस निरीक्षक नितीन पाटील करीत आहे.