नंदुरबार : राहत असलेल्‍या ठिकाणावरून दुसऱ्या पाड्यावरील दुकानात सामान घेण्यासाठी जात असताना नदी ओलांडताना तीन चिमुकल्यांचा मृत्यु (Death) झाल्‍याची हृदयद्रावक घटना घडली आहे. सदर घटना बुधवारी (१५ जून) दुपार घडली असून याबाबत रात्री उशिरा फिर्याद दाखल झाली आहे. (nandurbar news Three children drowned while crossing the river)

धडगाव (Dhadgaon) तालुक्यातील कुंडलचा मालपाडा येथे वास्‍तव्‍यास असलेले तीन चिमुकले आईने सांगितलेले सामान आणण्यासाठी (Nandurbar News) दुसऱ्या पाड्यावरील किराणा दुकानात जात होते. या दरम्‍यान देवानंद नदी ओलांडताना तीन चिमुकल्यांचा मृत्यु झाला. नदीतील पाण्यात खोल खड्यात बुडून तिघांचा मृत्यु झाला. निलेश दीलवर पाडवी (वय 4), मेहेर दिलवर पाडवी (वय 5) आणि पार्वती अशोक पाडवी (वय 5) अशी मयतांची नावे आहेत.