नंदुरबार : राज्‍य परिवहन महामंडळाचे कर्मचारी बेमुदत संपावर गेले आहेत. या संपाचा दुसरा दिवस असून सलग दुसऱ्या दिवशी एसटी कर्मचाऱ्यांचा संप सुरूच आहे. यामुळे जिल्ह्यातील चारही आगारातील एसटी प्रवासी वाहतूक सेवा बंद आहे. (Nandurbar-news-Second-day-of-strike-The-bus-stops-at-the-depot)

राज्यभर सुरू असलेल्या एसटी कर्मचाऱ्यांच्या संप नंदुरबार जिल्ह्यातही सलग दुसऱ्या दिवशी सुरू आहे. अक्कलकुवा, नवापूर, शहादा, नंदुरबार चारही आगारातील एसटी प्रवासी वाहतूक सेवा बंद आहे. एसटी कर्मचाऱ्यांना आत्मसन्मानाने राज्यशासन कर्मचाऱ्यांमध्ये विलीनीकरण करावे या प्रमुख मागणीसाठी एसटी कर्मचाऱ्यांनी काम बंद करून लढा सुरू ठेवलेला आहे.

माफी व सहकार्यची मागणी

एसटी कर्मचाऱ्यांचा काम बंद आंदोलनामुळे प्रवाशांच्या गैरसोयीबाबत माफी मागत सहकार्य करण्याची मागणी आंदोलनकर्त्यांनी केली आहे. तसेच परिवहन विभागाने खाजगी वाहतुकीला दिलेल्या परवानगीचा एसटी कर्मचाऱ्यांनी विरोध केला आहे. यापुढेही लालपरीची दर्जेदार सेवेसाठी प्रवाश्यांनी आम्हाला सहकार्य करावे अशी विनंती एसटी कर्मचाऱ्यांच्यावतीने करण्यात येत आहे.