नंदुरबार : बहुप्रतीक्षेनंतर नंदुरबार आगारातर्फे आजपासून पुणे आणि पंढरपुरसाठी दोन स्वतंत्र बस सुरू करण्यात आल्या आहेत. प्रवाशांनी लाभ घेण्याचे आवाहन नंदुरबार (Nandurbar) आगार प्रमुख मनोज पवार यांनी केले आहे. (Pune Pandharpur bus service from Nandurbar depot)

नंदुरबार येथून पुणे (Pune) आणि पंढरपूर येथे जाण्यासाठी संपामुळे (St Strike) बसेस बंद असल्याने प्रवाशांची गैरसोय होत होती. यासंदर्भात महाराष्ट्र प्रदेश प्रवासी महासंघाचे नंदुरबार तालुका अध्यक्ष महादू हिरणवाळे यांनी वेळोवेळी निवेदनाद्वारे मागणी केली होती. अखेर या मागणीला यश आले.

सायंकाळी सुटेल बस

आज (५ एप्रील) सायंकाळी ५ वाजता नंदुरबार- पंढरपूर तसेच सायंकाळी ५:३० वाजता नंदुरबार- पुणे या दोन लांब पल्ल्याच्या रातराणी बसेस सुरू करण्यात आल्या आहेत. नंदुरबार– पंढरपूर बस धुळे, मालेगाव, मनमाड, येवला, कोपरगाव, शिर्डी, नगर, टेंभुर्णीमार्गे असून नंदुरबार– पुणे बस नाशिक मार्गे आहे.