सागर निकवाडे
नंदुरबार :  केंद्र शासनाच्या वतीने विसरवाडी- खेतीया महामार्ग दोनपदरी करण्याचे काम सुरु आहे. या मार्गाचा (Nandurbar) कोळदा ते खेतीया या टप्प्याचे काम पूर्ण झाले आहे. मात्र या महामार्गाचे निकृष्ट दर्जाचे झाले असून अवघ्या काही दिवसातच नवीन काँक्रिटीकरण करण्यात आलेल्या रस्त्यावर मोठ्या भेगा पडल्या आहेत. (Latest marathi News)

नवीन झालेल्या कामाला शहादा (Shahada) शहराजवळ आणि इतर ठिकाणी रस्त्याचा मधोमध मोठ्या भेगा पडल्या आहेत तर काही ठिकाणी मोठे खड्डे पडले आहेत. सदर महामार्गावर मधोमध भेगा असल्याने रस्त्याने वेगाने जाणाऱ्या वाहनाची चाके या भेगांच्यामध्ये अडकवून मोठा अपघात होण्याची शक्यता आहे. या भेगांमध्ये डांबर टाकून तात्पुरती दुरुस्ती करण्यात आली होती. मात्र पुन्हा भेगा पडत आहे. यामुळे अपघात होण्याची शक्यता आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

कामाच्या चौकशीची मागणी 

नव्या महामार्गावर मोठ्या भेगा पडल्या आहेत. त्यासोबत महामार्गावर असलेल्या दुभाजकावर काटेरी झुडपे आहेत. यामुळे रस्त्याच्या निकृष्ट कामांची चौकशीची मागणी करण्यात आली आहे. या प्रकरणी राष्ट्रवादी शरद पावर गट आणि इतर संघटनाच्या वतीने आंदोलनचा इशारा दिला आहे.