सागर निकवाडे 

नंदूरबार : आगामी निवडणुकांच्या दृष्टीने मतदार नोंदणी सुरु करण्यात आली आहे. यात आदिवासी (Nandurbar) बहुल असलेल्या नंदुरबार जिल्ह्यात महिला मतदारांचा टक्का वाढला असून पुरुष मतदारांपेक्षा (Voter) महिला मतदारांची संख्या ९३७ ने अधिक झाली आहे. (Latest Marathi News)

नंदुरबार जिल्ह्यात १२ लाख ४० हजार ४५३ मतदारांची नोंदणी करण्यात आली आहे. यात ५४ हजार नवीन मतदारांनी नाव नोंदवले  आहे. (Loksabha Election) लोकसभा निवडणूक अवघ्या काही महिन्यावर असल्याने जिल्ह्यातील मतदारांच्या आकडा प्रसिद्ध करण्यात आला आहे. या आकडेवारीनुसार यात पुरुषांपेक्षा महिलांचे टक्केवारी अधिक असल्याचे दिसून आली आहे. अर्थात ही संख्या नवीन मतदारांच्या नोंदणीतून आली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

नंदुरबार जिल्हा प्रशासनाकडून नवीन मतदारांच्या नाव नोंदविण्यात यावे; यासाठी मोहीम राबवण्यात आली होती. या मोहिमेत ५४ हजार मतदार पहिल्यांदाच मतदानाच्या हक्क बजावणार आहेत. तर यात सर्वाधिक महिला मतदार असल्याचे दिसून येत आहे. यामुळे यंदा होत असलेल्या लोकसभा निवडणुकीत मतदान करण्यात महिलांची संख्या अधिक राहणार असल्याचे सांगितले जात आहे.