नंदुरबार : कोट्यवधी बेरोजगारांना रोजगार उपलब्ध करून देऊ, महागाई कमी करण्यात येईल असे नानाविध आश्वासने देऊन केंद्रातील भाजप सरकारने जनतेला 'एप्रिल फुल' बनवल्याचा आरोप राष्ट्रवादी युवक काँग्रेसने केला. या विरोधात नंदुरबार (Nandurbar) शहरातील मंगळ बाजारातील पेट्रोल (Petrol) पंपाजवळ आंदोलन करण्यात आले. (nandurbar news NCP's April Fool movement by cutting a cake near PM narendra Modi banner)

राष्ट्रवादी युवक काँग्रेसच्या (NCP) कार्यकर्त्यांद्वारे पंतप्रधान नरेंद्र मोदी (Narendra Modi) यांच्या फलकावरील प्रतिमेजवळ केक कापून एप्रिल फूलसह जागतिक फेकू दिन म्हणून साजरा केला. भाजप (BJP) सरकारने दिलेली आश्वासने न पाळता जनतेची फसवणूक केल्याचा आरोप राष्ट्रवादी काँग्रेस पार्टीचे युवा नेते ॲड. राऊ दिलीपराव मोरे यांच्या नेतृत्वाखाली आंदोलन करण्यात आले. दरम्यान राष्ट्रवादी युवक काँग्रेसचे कार्यकर्ते व पदाधिकाऱ्यांनी केंद्र सरकारचा निषेध करीत जोरदार घोषणाबाजी केली. यावेळी राष्ट्रवादीचे जिल्हा सरचिटणीस मधुकर पाटील, नंदुरबार शहराध्यक्ष नितीन जगताप, राष्ट्रवादी युवक काँग्रेस शहराध्यक्ष लल्ला मराठे यांच्यासह पदाधिकारी व कार्यकर्ते मोठ्या संख्येने उपस्थित होते.