नंदुरबार : नवापूर तालुक्यात झालेल्या मुसळधार पावसामुळे राष्ट्रीय महामार्ग तसेच ग्रामीण भागातील दळणवळणाचा मोठा प्रश्न निर्माण झाला आहे. त्याच अनुषंगाने नवापूर (Navapur) विधानसभा मतदार संघाचे आमदार शिरीषकुमार नाईक यांनी मतदार संघात शेती, रस्ते, पूल नुकसान झालेल्या भागाचा अधिकाऱ्यांसोबत (Nandurbar News) दौरा करून पाहणी केली. दुरुस्त करून नागरिकांच्या दळणवळणाची सोय करावी असे आदेश दिले आहे. (nandurbar news MLA shirishkumar naik inspect Navapur heavy rains)

नवापूर तालुक्यातील नागण मध्यम प्रकल्प भरडू धरणावरील केळी- केवडीपाडा अंतर्गत नदीवरील पुलाची रस्त्यावरील साईट पट्ट्यांना तडा गेल्याने रस्तावरील भराव दाबला गेला आहे. स्थानिक नागरिकांच्या माहितीनुसार सदर पूलाचे व रस्त्यावरील भरावाचे काम अत्यंत निकृष्ट दर्जाचे केल्याचा आरोप नागरिकांनी केला आहे. आमदारांसोबत ठेकेदार आणि बांधकाम विभागाचे अधिकारी यांनीही पाहणी केली. यावेळी अपघात टाळण्यासाठी तत्काळ दुरुस्ती करावी अशी मागणी केली आहे.

दुरूस्‍तीच्‍या सुचना

निमदर्डा गावाजवळील अर्धवट पुलाचे कामामुळे पर्यायी कच्चा पूल वाहून गेल्याने दहा गावांच्या दळणवळणाचा प्रश्न निर्माण झाला होता. या ठिकाणीही आमदारांनी पाहणी केली व ठेकेदार आणि अधिकाऱ्यांना दुरुस्ती करण्याच्या सूचना देण्यात आल्या आहे. एकूणच नंदुरबार जिल्ह्यात अक्कलकुवा आणि नवापूर तालुक्यात अतिवृष्टीमुळे शेती रस्ते व घरांचे नुकसान झाले आहे. आणि प्रशासनाने नागरिकांना दिलासा देण्याची गरज आहे.