नंदुरबार : नंदूरबार जिल्ह्यातील शहादा– तळोदा मतदार संघाचे आमदार राजेश पाडवी यांनी तळोदा ते अक्कलकुवा (Akkalkuwa) दरम्यान रस्त्यावर प्रवास करणाऱ्या शालेय विद्यार्थ्यांच्या एसटी महामंडळाच्या माध्यमातून समस्या सोडविण्यासाठी व अडीअडचणी दूर करण्यासाठी स्वतः अक्कलकुवा ते तळोदा या (ST Bus) एसटी महामंडळाच्या बसमध्ये विद्यार्थ्यांसमवेत प्रवास केला. यादरम्यान येणाऱ्या विद्यार्थ्यांच्या अडीअडचणी जाणून घेतल्या. (Nandurbar News MLA Rajesh Padvi)

शालेय विद्यार्थ्यांच्या समस्या सोडवण्यासाठी एसटी महामंडळाच्या (MSRTC) वरिष्ठ अधिकाऱ्यांना सूचना देत त्यांनी उपाययोजना करण्याची महामंडळाकडे मागणी केली आहे. तालुक्यातील (Nandurbar) गाव पाड्यासमवेत खेड्यावरील विद्यार्थ्यांना शाळेत जाण्यासाठी अनेक समस्यांना तोंड द्यावे लागते. अशी समस्या घेऊन काही दिवसांपूर्वी विद्यार्थी आमदार राजेश पाडवी यांना भेटले होते. आज स्वतः आमदार राजेश पाडवी यांनी अक्कलकुवा ते (Taloda) तळोदा या प्रवासादरम्यान एसटी बसमध्ये विद्यार्थ्यांसोबत प्रवास करत समस्या जाणून घेतल्या. गावपाड्यावरून येणाऱ्या विद्यार्थ्यांसाठी एसटी बसने प्रत्येक ठिकाणी हात दिल्यावर थांबावे जेणेकरून विद्यार्थ्यांचे शैक्षणिक नुकसान टाळता येईल. अशा सूचना महामंडळाला केल्या आहे.