नंदुरबार : नवापूर शहरातील लाईट बाजार या गजबजलेल्या व जुन्या भागातील सर्वात जुनी बदुडा चक्की शॉटसर्कीटने लागलेल्या आगीत बेचिराख झाली. यात लाखोंचे नुकसान झाले. या घटनेत नवापूर पालिकेचा (Navapur Palika) निष्काळजीपणा पुन्हा एकदा चव्हाट्यावर आला आहे. (nandurbar Mill fire late night Fire brigade bumb came from gujarat state but not locally)

नवापुर (Navapur) शहरातील लाईट बाजार व्होरा मेडिकल समोरील अब्दुला हमीद बदुडा यांच्या मालकीचे दुकानाला रात्री १ वाजता अचानक शॉटसर्कीटने आग लागली. यात चक्की व तेल गाळण्याचे मशिनसह इतर सामान आगीत खाक झाले. या आगीत लाखो रुपयाचे नुकसान झाले आहे. आग इतकी भिषण होती की संपुर्ण दुकान आगीत (Fire) जळुन खाक झाले. आगीचा लोळ दुरपर्यत दिसत होते. नवापूर शहरात मागील काही दिवसावर विजय इलेक्ट्रॉनिक्स दुकानाला आग लागली होती. या घटनेनंतर नवापुर नगरपालिकेचा निष्फळ कारभार, निष्काळजीपणा व बेजबाबदारपणा लोकांसमोर उघडकीस आला.

गुजरातचा बंद पोहचला

आगीवर नियंत्रण मिळवण्यासाठी गुजरात (Gujrat) राज्यातील सोनगड, व्यारा भागातुन अग्रिशमन दलाला (Fire Brigade) पाचारण करण्यात आले होते. मात्र स्थानिक नवापूर नगरपालिकेचा अग्निशमन बंब उशिरा आल्याने शहरातील नागरीकांनी संतप्त प्रतिक्रिया दिली आहे. गुजरात राज्यातुन ४८ किमी अंतरावर असलेल्या व्यारा नगरपालिकेतुन अग्रिशाम बंब येऊ शकतो; तर नवापूर नगरपालिकेचा अग्निशमन बंबला का उशिर झाला? असे नागरीकांमध्ये चर्चेचा विषय होता.