नंदुरबार : दुर्दैवाने निवडणूक आयोगाकडून चिन्ह गोठवल गेले आहे. भविष्यात दोन्ही गटातील कोणालाही धनुष्यबाणाचे चिन्ह मिळेल. त्यामुळे जास्त चिंता करण्याची गरज नाही; अशी प्रतिक्रिया मुख्यमंत्री एकनाथ शिंदे (Eknath Shinde) गटाचे नेते माजी आमदार चंद्रकांत रघुवंशी (Chandrakant Raghuvanshi) यांनी व्यक्त केली आहे. (Nandurbar News Shiv Sena)

शिवसेनेचे (Shiv Sena) धनुष्यबाण हे चिन्ह निवडणूक आयोगाने गोटावल्याने शिंदे आणि ठाकरेंना मोठा धक्का बसला आहे. आता दोन्‍ही गटाला नवीन चिन्ह दिले जाणार आहेत. त्यासाठी उद्यापर्यंतची मुदत दिली आहे. चिन्ह गोठवल्याने दोघी गटाकडून वेगवेगळ्या प्रतिक्रिया येऊ लागल्या आहेत. शिंदे गटाचे नेते आणि (Nandurbar) माजी आमदार चंद्रकांत रघुवंशी यांनी देखील आपले प्रतिक्रिया दिली असून चिन्ह गोठवलं जाणं हे दुर्दैवी आहे.

भविष्‍यात एका पक्षाला चिन्‍ह

भविष्यात निवडणूक आयोगाला चिन्ह एका पक्षाला देणे गरजेचे राहणार असल्याची शक्यता देखील वर्तवली आहे. तर दुसरीकडे अंधेरी विधानसभेची पोटनिवडणूक नंतर निवडणूक आयोग चिन्हावर काही निर्णय घेतील अशी अपेक्षा माजी आमदार आणि शिंदे गटाचे नेते चंद्रकांत रघुवंशी यांनी व्यक्त केली आहे.