Sakshi Sunil Jadhav
घरात जर लहान बाळ असेल तर त्यांना पक्षी पाहायला खूप आवडतं. आपण त्यांना घराबाहेर दिसणारे पक्षी दाखवतो.
अनेकदा घराबाहेर कावळा, पोपट, साळुंखी, टिटव्या असे अनेक पक्षी पाहायला मिळतात.
काही घरांच्या अंगणात चिमण्या रोज सकाळी चिवचिवाट करतात. मग घरची मंडळी त्यांना तांदूळ खायला देतात.
अनेकांना चिमण्या नेमकी काय खातात? हे माहित नसतं. पुढील माहितीत आपण जाणून घेणार आहोत.
मुळात चिमणी ही एक सर्वभक्षक पक्षी आहे. मात्र चिमण्यांना विविध प्रकारचे धान्य खायला प्रचंड आवडत.
चिमण्यांची चोच लहान असल्याने त्यांना बारिक धान्य टिपून खायला बरं पडतं. त्यात गहू, तांदूळ, बाजरी, ज्वारी आणि सूर्यफुलाच्या बिया खायला आवडतात.
चिमण्या या जंगलात साधारण ४ ते ५ वर्षे जगतात. तर बंदिवासात त्या जवळपास १० वर्षे जगतात.
विशेष म्हणजे चिमण्या या पाण्यात पोहू शकतात. तुम्ही बऱ्याचदा या चिमण्या चिवचिवाट करत पाण्यात अंघोळ करताना पाहिल्याच असतील.