नंदुरबार : शासकीय ठेकेदाराकडून झालेल्या कामांचे बिल काढण्यासाठी लाचेची मागणी केली. लाच हजारावर नाही तर लाखोत असून तब्बल ४३ लाख ७५ हजाराची लाच मागितली. या रक्‍कमेतील टोकणची रक्‍कम स्‍वीकारताना दोघे रंगेहाथ पकडले गेले. (nandurbar news Demand for Rs 43 lakh bribe for billing)

नंदुरबार (Nandurbar) जिल्हा परिषद बांधकाम विभागातंर्गत असलेल्‍या अक्कलकुवा उपअभियंता सुनील पिंगळे व शाखा अभियंता एस. बी. हिरे यांना लाच (Bribe) स्वीकारताना अटक एसीबीच्या पथकाने पकडले आहे. झालेल्‍या कामांची बिले काढण्यासाठी संबंधीत ठेकेदाराकडून लाचेची मागणी केली होती. ठेकेदाराची एकुण 8 कोटी 45 लाख 89 हजार रुपयांच्या बिलाची रक्कम आहे.

पहिल्‍या हप्‍त्‍यात चार लाख

अक्‍कलकुआ (Akkalkuwa) येथील उपअभियंता व शाखा अभियंता यांना ठेकेदाराकडून तब्‍बल ४३ लाख ७५ हजार रूपयांची लाच मागितली होती. या रक्‍कमेतील पहिला हप्ता चार लाख रूपयांची टोकण रक्कम स्वीकारतांना अक्कलकुवा उपविभागीय अभियंत्यासह दोघे एसीबीच्या जाळ्यात अडकले. नंदुरबार एसीबीच्या पथकाची अद्यापपावेतोची सर्वात मोठी कारवाई मानली जात आहे.