सागर निकवाडे, प्रतिनिधी...

Taloda Accident News: नंदूरबारमधून एक दुर्देवी अपघाताची घटना समोर आली आहे. नंदुरबारच्या तळोदा तालुक्यात मजुरांना घेवून जाणाऱ्या गाडीचा भीषण अपघात झाला. या अपघातात एकाचा मृत्यू झाला असून १५ जण जखमी झाले आहेत. या दुर्देवी घटनेने परिसरात हळहळ व्यक्त केली जात आहे. (Accident News)

याबाबत अधिक माहिती अशी की, नंदुरबारच्या (Nandurbar) तळोदा तालुक्यात एक जीव मजुरांना घेवून निघाली होती. ही गाडी प्रतापपुर गावाजवळ आली असता अचानक रॉड तुटला. त्यामुळे चालकाचे नियंत्रण सुटल्याने जीप पलटी झाली.

या अपघातात (Accident) एकाचा जागीच मृत्यू झाला तर १५ जण जखमी झाले आहेत. जखमींमधील दोघांची प्रकृती चिंताजनक असल्याचे सांगितले जात आहे. सर्वांवर तळोदा ग्रामीण रुग्णालयात उपचार सुरू आहेत. या भीषण अपघातात जीप पलटी झाल्याने मोठे नुकसान झाले आहे.

हरियाणात भीषण बस अपघात...

 महाराष्ट्रासहित देशभरात अपघातांच्या मालिका सुरूच आहे. हरियाणातही भीषण अपघात झाला आहे. हरियाणाच्या जींद जिल्ह्यात बस आणि कारचा भीषण अपघात झाला आहे. हरियाणाच्या भिवानी रोड येथील बीबीपूर गावाजवळ हा अपघात झाला आहे. या अपघातात ७ जणांचा मृत्यू झाल्याची माहिती समोर आली आहे. (Latest Marathi News)