नंदुरबार - जिल्ह्यात गेल्या वर्षाच्या तुलनेत यंदा रस्ते अपघात व अपघातांमध्ये मृत्युमुखी पडलेल्यांच्या संख्येत वाढ झाल्याने नंदुरबार जिल्हा पोलीस दलाने दारू पिऊन वाहन चालवणार्‍या चालकांविरुद्ध कारवाईचा बडगा उगारला आहे. ४ डिसेंबर रोजी केलेल्या कारवाईत नवापूर, विसरवाडी, मसावद, सारंगखेडा, मोलगी, धडगाव, तळोदा, अक्कलकुवा, नंदुरबार अशा १३ पोलीस स्टेशन अंतर्गत ४३ मद्यपी वाहनचालकांवर कारवाई करून गुन्हा दाखल केला आहे.

हे देखील पहा -

सदर दारु पिऊन वाहन चालवणाऱ्या वाहनचालकांचे लायसन्स देखील रद्द करण्याची प्रक्रिया सुरू असून आगामी सण-उत्सव काळात दारू पिऊन दुचाकी व चारचाकी वाहन चालवणाऱ्या चालकांविरुद्ध कारवाईची मोहीम सुरूच राहणार असून कडक कारवाईचा इशारा पोलीस अधीक्षक पी. आर. पाटील यांनी दिला आहे. दारू पिऊन वाहन चालविणे स्वतःसाठी व इतरांसाठी धोकादायक असून नागरिकांनी मी स्वतः व इतरांच्या सुरक्षिततेसाठी वाहतुकीचे नियम पाळावे असे आवाहन जिल्हा पोलीस दलातर्फे करण्यात येत आहे.

Edited By - Shivani Tichkule