नंदुरबार : एकात्मिक बाल विकास सेवा योजनेंतर्गत कोविड कालावधीत नंदुरबार जिल्ह्यात कुपोषित सॅम व मॅम बालकांचे स्क्रिनींगसाठी विशेष मोहिम राबवून इतर जिल्ह्यांच्या तुलनेत जास्तीत जास्त बालकांचे स्क्रीनिंग केल्याबद्दल नंदुरबार (Nandurbar) राज्यात सर्वोत्कृष्ट जिल्हा ठरला. (Nandurbar District Best in Maharashtra screening of Malnourished Children)

कोविड (Corona) काळात नंदुरबार जिल्ह्यात विशेष मोहिम राबवून ३ हजार ३६८ सॅम बालकांचे व १८ हजार ६६८ मॅम बालकांचे (Malnourished Children) स्क्रिनींग केल्याबद्दल राज्यात नंदुरबार जिल्ह्याची सर्वोकृष्ट जिल्हा म्हणून निवड करण्यात आली होती.

मुंबई झाला सन्‍मान

आज ८ मार्चला जागतिक महिला दिनाचे औचित्य साधून नंदुरबार जिल्हाधिकारी मनीषा खत्री (Manisha Khatri), जिल्हा परिषदेचे मुख्य कार्यकारी अधिकारी रघुनाथ गावडे, जिल्हा कार्यक्रम अधिकारी कृष्णा राठोड यांचा सत्कार राज्याचे उप मुख्यमंत्री अजित पवार, तसेच महिला व बाल विकास मंत्री यशोमती ठाकूर, महसूलमंत्री बाळासाहेब थोरात, विधानपरिषदेच्या उपसभापती नीलिमा गोऱ्हे, राज्यमहिला आयोगाच्या अध्यक्षा रुपाली चाकणकर, एकात्मिक बालविकास सेवा योजनेच्या आयुक्त रूबल अग्रवाल यांच्या उपस्थितीत मुंबई येथे करण्यात आला.