सागर निकवाडे, नंदुरबार|ता. १४ जानेवारी २०२४
नंदुरबारच्या धुळे सुरत राष्ट्रीय महामार्गावर कोंडाईबारी घाटाच्या पायथ्याशी भीषण अपघात झाल्याची घटना समोर आली आहे. तवेरा व ओमनी कार यांच्यात समोरासमोर धडक झाल्याने हा अपघात झाला. या घटनेत चार जण जखमी झाले आहेत. अपघातातील जखमींवर सध्या रुग्णालयात उपचार सुरू आहेत.
धुळे सुरत राष्ट्रीय महामार्गावर (Dhule Surat Highway Accident) कोंडाईबारी घाटाच्या पायथ्याशी भीषण अपघात झाला. साक्रीहून नवापूरच्या दिशेने जाणारी तवेरा कार आणि विसरवाडीहून साक्रीच्याविरुध्द दिशेने जाणाऱ्या ओमनी कारला ओव्हर टेक करण्याच्या नादात धडक दिल्याने ही घटना घडली. या अपघातात ओमनी कार वाहनातील चार जण जखमी असून दोन्ही वाहनांचे मोठे नुकसान झाले आहे.
अपघातात जखमी झालेले प्रवासी हे चाळीसगावमधील असल्याचे सांगण्यात येत आहे. अपघातग्रस्तांना पोलीस वाहनाने तात्काळ विसरवाडी ग्रामीण रुग्णालयात उपचारासाठी दाखल केले आहे. विसरवाडी ग्रामीण रुग्णालयात वैद्यकीय अधिकारी डॉ. अजय कुवर यांनी लागलीच उपचार करून नंदुरबार जिल्हा रुग्णालयात हलवण्यात आले आहे.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
याबाबत विसरवाडी पोलीस ठाण्यात अपघाताची नोंद करण्यात आलेली आहे. दरम्यान, कोंडाईबारी घाटात महामार्गावर एका बाजूला पुलाचे काम सुरू असल्याने महामार्गावर एकेरी वाहतूक सुरू असल्यामुळे अपघातीची मालिका थांबता थांबत नसून यासाठी ठोस उपाययोजना करण्याची गरज निर्माण झाली आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.