संजय सूर्यवंशी

नांदेड : नांदेड शहरात गाड्या फोडण्याचे लोन वाढत असल्याचे दिसत आहे. सोमवारी रात्री पुन्हा एकदा शहरातील (Nanded) यशवंतनगर भागात ३ कारच्या काचा फोडण्यात आल्या प्रकार समोर आला आहे. या वाढत्या प्रकारांमुळे गाड्या आता कुठे उभ्या करायच्या हा प्रश्न आता निर्माण होत आहे. (Maharashtra News)

नांदेड शहरात पंधरा दिवसांपूर्वीच आनंद नगर भागात ८ वाहनांच्या काचा फोडण्यात आल्या होत्या. त्यापूर्वी हनुमानगड भागात वाहनांच्या काचा फोडण्यात आल्या होत्या. यानंतर आता सोमवारी देखील हा प्रकार घडला आहे. गाड्या फोडण्याच्या सत्रामुळे नागरिकांत दहशत असून पोलिसांनी (Police) त्यांचा बंदोबस्त करावा अशी मागणी नागरिकांनी केली आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

काचा फोडणारे सीसीटीव्हीत कैद 

घरासमोर रस्त्यावर या कार पार्क करण्यात आलेल्या होत्या. यात काही व्यक्ती येऊन त्यांनी गाड्यांच्या काचा फोडल्या. एका सीसीटिव्ही कॅमेऱ्यात काचा फोडणारा कैद झाला आहे. मात्र घरासमोर लावलेल्या वाहनाचे नुकसान होत असल्याने गाड्या कुठे लावाव्या असा प्रश्न नागरिकांडून उपस्थित केला जात आहे.