नांदेड : नांदेड येथील एसजीजीएस अभियांत्रिकी महाविद्यालयात अभियांत्रिकीचे शिक्षण घेत असलेल्‍या विद्यार्थींनीने आत्महत्या (Suicide) केल्‍याची घटना उघडकीस आली आहे. पोलिसांना सुसाईड नोट असून कोणत्‍या कारणाने तिने आत्‍महत्‍या केली हे अद्याप समोर आलेले नाही. पोलिसांकडून (Police) तपास सुरू असून अद्याप गुन्हा दाखल नाही. (Nanded News Suicide Case)

नांदेडमध्ये (Nanded) अभियांत्रिकीचे शिक्षण घेणाऱ्या विद्यार्थींनीने गळफास लावून आत्महत्या केली. ही घटना आज सकाळी उघडकीस आल्याने खळबळ उडाली आहे. गिता कदम असे आत्महत्या केलेल्या विद्यार्थींनीचे नाव आहे. एसजीजीएस अभियांत्रिकी महाविद्यालयातील अभियांत्रिकेच्‍या दुसऱ्या वर्षात शिक्षण (Education) घेणाऱ्या गिता कदम हिने प्रेम प्रकरणातून ही आत्महत्या केल्याचा पोलिसांचा प्राथमिक अंदाज आहे.

मोबाईल, सुसाईड नोट जप्‍त

गिता ही उस्मानाबाद जिल्ह्य़ातील रहिवासी आहे. गिताने वसतीगृहातच आत्महत्या केली आहे. तिच्याजवळ पोलिसांना एक सुसाइड नोट (Suicide Note) सापडली आहे. दरम्यान, पोलिसांनी घटनास्थळावर भेट देऊन पंचनामा केला. पोलिसांनी घटनास्थळावरुन सुसाइड नोट, मोबाइल जप्त केले आहे. या प्रकरणात अद्याप पोलिस ठाण्यात गुन्ह्याची नोंद करण्यात आली नसून, या प्रकरणाचा तपास ग्रामीण पोलीस करीत आहेत.