नांदेड : नांदेडमध्ये अन्‍य धर्माच्‍या तरुणीशी प्रेमसंबंध प्रस्थापित केल्याच्या रागातून एका तरुणाचा लाठ्या काठ्या आणि लोखंडी रॉडने हल्ला करुन खुन (Crime News) करण्यात आला होता. जातीय तणाव निर्माण होण्याची शक्यता असल्याने स्थानिक गुन्हे शाखेच्या (Police) पथकाने तपास चक्रे फिरवत 48 तासांत स्वप्निल नागेश्वर याच्या मारेकऱ्यांना अटक केली. (Breaking Marathi News)

नांदेड (Nanded) शहरातील देगावचाळ परिसरात घरा शेजारी राहणाऱ्या एका तरुणीशी स्वप्निल नागेश्वर याचे प्रेमसंबंध होते. स्वप्निल हा या तरुणीला घेऊन एका हॉटेलमध्ये गेला होता. याचाच राग मनात धरुन तरूणीच्या नातेवाईकांनी मित्रांच्या सहकार्याने स्वप्निलला लिंगायत स्मशानभूमीजवळ नेऊन लाठ्या काठ्यानी मारहाण केली. यात त्‍या तरूणाचा मृत्‍यू झाला. या प्रकरणानंतर तणाव निर्माण होण्याची शक्यता लक्षात घेऊन पोलिसांनी तातडीने आरोपींविरोधात विमानतळ पोलिस ठाण्यात गुन्हा दाखल करुन अटक केली आहे.

सीसीटीव्‍हीच्‍या आधारे आरोपी अटकेत

मुख्य आरोपी शायजाद खान एजाज खान, महम्मद सद्दाम महम्मद कुरेशी, महम्मद उसामा महम्मद साजिद कुरेशी, शेख आयान शैख इमाम, सोहेल खान साहेब खान, सय्यद फरहान, उबेद खान युनूस खान या सात आरोपींना सिसीटीव्हीच्या आधार घेत अटक केली.