संजय सूर्यवंशी

नांदेड : राज्यातील अनेक भागात मान्सूनचे आगमन झाले आहे. अनके ठिकाणी दमदार पाऊस झाल्याने पेरणीच्या कामांना देखील सुरवात झाली आहे. मात्र नांदेड जिल्ह्यात अद्याप पर्यंत पाऊस आलेला नाही. मान्सूनचा पाऊस लांबल्याने बी बियाणे खरेदी करण्यासाठी शेतकऱ्यांनी पाठ फिरवली अणे. यामुळे नवीन मोंढा बाजारात शुकशुकाट पाहण्यास मिळत आहे. 

मृग नक्षत्रला सुरुवात झाली असली तरी (Nanded) नांदेड जिल्ह्यात म्हणावा तसा पाऊस झाला नाही. मान्सूनचे आगमन नांदेड जिल्ह्यात झाले. परंतु जिल्ह्यातील बहुतांश भागात पावसाचे आगमन झाली नाही. जिल्ह्यात आतापर्यंत ३० पूर्णांक १० मिलीमीटर इतक्या कमी पावसाची (Rain) नोंद झाली आहे. त्यामुळे नांदेड जिल्ह्यात पावसाने हुलकावणी दिल्याने शेतकरी चिंतेत सापडले आहेत. मागील वर्षी देखील अशीच परिस्थिती होती. यानंतर यंदा देखील तीच परिस्थिती येते कि काय या विचाराने शेतकरी चिंतेत आहे. 

बियाणे खरेदी थांबली 

दरम्यान पाऊस लांबल्याने (Farmer) शेतकऱ्यांनी बी बियाणे आणि खते खरेदी करण्याकडे बी बियाणे बाजाराकडे शेतकऱ्यांनी पाठ फिरवल्याचे दिसून येत आहे. दरवर्षी या दिवसात नांदेडच्या नवीन मोंढा बाजारात शेतकऱ्याची खरेदीसाठी मोठी गर्दी असते. मात्र यंदा पाऊस लांबल्याने शुकशुकाट पहावयास मिळत आहे.