नांदेड : शहराच्या सांगवी परिसरातील एका शेतामध्ये झन्ना- मन्ना नावाच्या जुगार अड्ड्यावर विमानतळ पोलिसांनी केलेल्या कारवाईमध्ये एका नगरसेवकासह पाच जणांना अटक करण्यात आली आहे. यावेळी पोलिसांनी रोख साडेआठ हजार आणि तीन दुचाकी असा एक लाख ५८ हजार रुपयांचा मुद्देमाल जप्त केला आहे. ही कारवाई पोलिस निरीक्षक अनिरुद्ध काकडे यांनी सोमवारी (ता. २६) रात्री दहाच्या सुमारास केली. Nanded-Five- people- including- a -former -corporator-were- arrested- from -a- gambling -den

पोलिस सुत्रांनी दिलेली माहिती अशी की, विमानतळ पोलिस ठाण्याचे पोलिस निरीक्षक अनिरुद्ध काकडे हे स्वतः आपल्या पोलिस ठाण्याच्या हद्दीत सोमवारी (ता. २६) रात्री गस्त घालत होते. यादस्त दरम्यान त्यांना मिळालेल्या गुप्त माहितीवरुन सांगवी शिवारात असलेल्या आनंद तिडके यांच्या शेतामध्ये झन्ना- मन्ना नावाचा जुगार सुरु असल्याची माहिती मिळाल्यावरुन त्यांनी आपल्या सहकाऱ्यांसोबत सोमवारी रात्री दहाच्या सुमारास त्या ठिकाणी कारवाई केली.

हेही वाचा - IPL 2021: दिल्लीसाठी खूषखबर! दिग्गज खेळाडूचं संघात होेणार पुनरागमन?

यावेळी पाच जणांना त्यांनी ताब्यात घेतले. ताब्यात घेतलेल्यामध्ये महम्मद शाहेद महमद शौकत (वय ३८) राहणार रहेमतनगर, मीर अली मुक्तार आली (वय ३७) राहणार उमर कॉलनी देगलूर नाका, महम्मद इमरान उर्फ इब्राहीम अब्दुल वहाब बिलालनगर, सय्यद फसीओद्दीन सय्यद बकियोद्दीन (वय ४७) रा. रहमतनगर (माजी नगरसेवक) आणि शेख आवेज शेख संदल (वय ३३) रा. चुनाभट्टी देगलूर नाका नांदेड यांचा समावेश आहे. त्यांच्याकडून पोलिसांनी रोख आठ हजार पाचशे रुपये आणि दीड लाख रुपयांच्या तीन दुचाकी व काही मोबाईल असा एकूण एक लाख 58 हजार रुपयांचा मुद्देमाल जप्त केला. पोलिस निरीक्षक अनिरुद्ध काकडे यांच्या फिर्यादीवरुन विमानतळ पोलिस ठाण्यात मुंबई जुगार कायद्यांतर्गत गुन्हा दाखल करण्यात आला आहे.