नांदेड : नांदेडच्या देगलूरमध्ये टाकण्यात आलेल्या दरोड्यात दरोडेखोरांनी (Robbery) चार लाखांचा ऐवज लांबविला. या घटनेत दरोडेखोरांनी केलेल्‍या मारहाणीत एका वृध्द महिलेचा मृत्यू (Death) झाला आहे. (Tajya Batmya)

नांदेडमधील शास्त्रीनगर भागात सोमवारी रात्री तीन ते चार दरोडेखोरांनी श्रीपतराव पाटील यांच्या घरी दरोडा टाकला. दरोडेखोरांनी 90 वर्षाच्या श्रीपतराव आणि पत्नी चंद्रकला यांचे हातपाय बांधून त्यांना मारहाण करत बारा तोळे सोन्याचे दागिने, 70 तोळे चांदी आणि रोख रक्कम अशी चार लाखांचा ऐवज लंपास केला.

पोलिसांचे पथक रवाना

वृद्धांचे हातपाय बांधून केलेल्‍या मारहाणीत (Crime News) चंद्रकलाबाई यांचा मृत्यू झाला. दरम्यान, घटनेची माहिती मिळताच श्वान पथक, ठसे तज्ज्ञांना पाचारण करण्यात आले. जिल्हा पोलीस अधीक्षक श्रीकृष्ण कोकाटे यांनी भेट देऊन दरोडेखोरांच्या शोधात दोन पथके रवाना केली आहेत. दरोड्याच्या या घटनेमुळे परिसरात खळबळ उडाली आहे.