>> संजय सूर्यवंशी

Nanded Crime News:

सराईत गुन्हेगारांना पकडण्यासाठी गेलेल्या पोलिसांवर आरोपींनी हल्ला केल्याची घटना घडली आहे. यामध्ये पोलीसांनी पाठलाग करत गोळीबार करून एका आरोपीस पकडले. तर एकजण पसार झाला आहे. नांदेड शहरात भर वस्तीत हा थरार घडला.

मिळालेल्या माहितीनुसार, अनेक गुन्हे दाखल असलेला आरोपी अब्बू शूटर आणि त्याचा साथीदार कॅनॉल रोडवर असल्याची माहिती स्थानिक गुन्हे शाखेला मिळाली होती. दोघांच्या मुसक्या आवळण्यासाठी एक पथक तिथे गेले होते.  (Latest News on Politics)

पोलीस झडप घालणार दोघे रस्त्यावरून पाळत सुटले. अब्बू शूटर पळत नारायण शाळेच्या आवारात शिरला. एका विद्यार्थ्याची दुचाकी हिसकावून तो पाळण्याचा प्रयत्न करत होता. पण सहाय्यक पोलीस निरीक्षक पांडुरंग भारती यांनी त्याच्या पायावर एक गोळी झाडली. त्यामुळे तो खाली पडला.

पोलीसांनी त्याला ताब्यात घेतले. शाळेच्या आवारात हा सगळा थरार घडल्याने शाळेत खळबळ उडाली होती. दरम्यान, आरोपी दीपक भोकरे पसार झाला. जखमी अवस्थेत आरोपी अब्बू शूटरला शासकीय रुग्णालयात दाखल करण्यात आले.