नांदेड : नांदेडमध्ये दिवसा ढवळ्या एका हॉटेल मालकावर खंजीरने हल्ला (Crime News) केल्याची घटना दोन दिवसापूर्वी घडली. ही घटना शहरातील नमस्कार चौकातील हॉटेलमध्ये घडली आहे. या हल्ल्याचा थरार सिसीटीव्ही (CCTV) कॅमेऱ्यात कैद झाला आहे. (Letest Marathi News)

काही दिवसांपूर्वी शहरातील हॉटेल चालकासोबत एका तरुणाचा वाद झाला होता. या तरुणाने पुन्हा २१ जानेवारीला हॉटेलमध्ये येऊन मालकासोबत वाद घातला. यानंतर त्‍याने खंजीरने हल्ला चढवला. हॉटेल मालकाने जिव वाचवण्यासाठी जिवाच्या आकांताने पळ काढत जवळच असलेल्या माणिक पेट्रोल पंपचे कॅबिन गाठले. हल्ला करणारा तरुण घटनास्थळावरुन पळून गेला.

जखमी उपचारासाठी दाखल

दरम्यान हल्यात गंभीर जखमी झालेल्या हॉटेल चालकाला खाजगी रुग्णालयात उपचारासाठी हलविण्यात आले आहे. या प्रकरणात अद्याप गुन्ह्यांची नोंद झाली नसली तरी पोलिस या घटनेचा कसून तपास करत आहेत. खंजीरने हल्ला करणारा रेकार्डवरील गुन्हेगार असल्याची प्राथमिक माहिती पोलिसांनी दिली आहे.