संजय सूर्यवंशी, साम टीव्ही, प्रतिनिधी

नांदेडहून एक धक्कादायक माहिती समोर आली आहे. नांदेडच्या हिमायत नगर तालुक्यातील टेंभुर्णी येथे दुर्दैवी घटना घडली आहे. टेंभुर्णी येथे एकटीच राहणाऱ्या ७५ वर्षाय वृद्ध महिलेचा खून करण्यात आला आहे. या प्रकरणी स्थानिक पोलिसांनी महिलेच्या दोन नातवांना संशयित म्हणून ताब्यात घेतले आहे.

मिळालेल्या माहितीनुसार, ७५ वर्षीय गयाबाई रामजी तोवर ही वृद्ध महिला एकटी राहत होती. बऱ्याच दिवसापासून महिला घरातून बाहेर पडली नव्हती. याच दरम्यान गयाबाई यांच्या घरातून दुर्गंधी येऊ लागली. घाणेरडा वास येत असल्याने शेजाऱ्यांनी घरात प्रवेश केला. तेव्हा शेजारच्यांमुळे हा धक्कादायक प्रकार उघडकीस आला. या प्रकरणाची माहिती मिळताच पोलीस घटनास्थळी दाखल झाले.

गयाबाई तोवर यांची हत्या प्रकरणाचा तपास करताना पोलिसांनी गयाबाईंच्या दोन नातवांना पोलिसांनी ताब्यात घेतले आहे. नातवांनीच गयाबाईंची हत्या केल्याचा संशय पोलिसांना आला होता. त्यानंतर हिमायत नगर पोलिसांनी दोन्ही नातवांना दिघी येथून ताब्यात घेण्यात आले. ही हत्या कोणत्या कारणामुळे झाली याचा तपास पोलीस करत आहेत.

नांदेडच्या टेंभुर्णी गावातून धक्कादायक घटना उघडकीस आली. गावात एकटी राहत असलेल्या ७५ वर्षीय गयाबाई तोवर यांचा मृतदेह त्यांच्याच राहत्या घरात आढळला. गयाबाईंच्या घरातून घाणेरडा वास येत असल्याचे शेजारच्यांच्या लक्षात आले. शेजारी राहणाऱ्या मंडळींमुळे हे हत्येचे प्रकरण उघडकीस आले आहे.