Nana Patole : प्रकाश आंबेडकर (prakash ambedkar) यांच्याकडून युतीसंदर्भात अजूनपर्यंत कुठलाही प्रस्ताव आलेला नाही. दरम्यान भारत जोडो यात्रेसाठी प्रकाश आंबेडकर यांना भेटणार नाही. त्यांची काय भूमिका आहे हे समजून घेऊन योग्य ती भूमिका घेणार असल्याचे काँग्रेस प्रदेशाध्यक्ष नाना पटोले (nana patole) यांनी स्पष्ट केले. अकाेला येथे झालेल्या पत्रकार परिषदेत पटाेले बाेलत हाेते.

काँग्रेस प्रदेशाध्यक्ष नाना पटोले म्हणाले सर्वोच्च न्यायालयाच्या निर्णयावर शंका निर्माण होत आहे. ज्यावेळेस शिवसेनेने 16 आमदारांचे पत्र दिले होते, त्यांच्यावर कारवाई करावी त्यावेळेस सर्वोच्च न्यायालयाने त्यात हस्तक्षेप केला. त्या प्रक्रियेला थांबविले. त्यानंतर चिन्हाचा वाद आला. त्याच्यातही निवडणूक आयोगाला सर्वोच्च न्यायालयाने थांबविले.

या पद्धतीचा संभ्रम न्यायव्यवस्थेने निर्माण करणे हा शंकेचा भाग असल्याचे पटालेंनी नमूद केले. ते म्हणाले खरं तर आमचा न्याय व्यवस्थेवर विश्वास आहे. पण न्याय व्यवस्थेवर संभ्रम निर्माण होणे हा लोकशाहीसाठी सर्वात मोठा धोका आहे. पटोले पुढं म्हणाले हे सरकार असंविधानिक असून राज्यपाल महोदय हे तर फार विद्वान आहेत. या पत्रकार परिषदेला जिल्ह्यातील कॉंग्रेसचे सर्व पदाधिकारी उपस्थित होते.

Edited By : Siddharth Latkar