हेच ते पत्र....ज्यामुळे राज्याच्या राजकारणात खळबळ उडालीय...कारण याच पत्रात भाजप आमदार नरेंद्र मेहतांचा भूमाफिया असा उल्लेख करण्यात आलाय... आणि मेहतांचा भुमाफिया असा उल्लेख दुसरा तिसरा कुणी नाही तर खुद्द महसूल मंत्री चंद्रशेखर बावनकुळेंनी केल्याचा आरोप काँग्रेस नेते नाना पटोलेंनी केलाय...मेहतांवर राजकीय आरोप करण्यात आल्याचा दावा बावनकुळेंनी केलाय. तर या पत्रातील भूमाफिया असा उल्लेख हे विरोधकांचं षडयंत्र असल्याचा दावा नरेंद्र मेहतांनी केलाय.

असं असलं तरी ज्या व्हायरल पत्रावरुन राजकीय वादळ उठलंय... त्या पत्रात आमदार नरेंद्र मेहतांचं नाव घेत कोणते आरोप करण्यात आलेत...पाहूयात... व्हायरल पत्रात आमदार मेहतांवर काय आरोप? भूमाफिया नरेंद्र लालचंद मेहता यांच्या सेव्हन इलेव्हन कन्स्ट्रक्शन प्रा. लि. यांनी न भरलेल्या मुद्रांक शुल्क व दंडाच्या रकमेची पर्यायाने शासनाच्या थकीत महसुलाची जलद वसुली करण्यात यावी अमोल रकवी, अजय धोका आणि विकास पाटील यांच्या ई-मेलवर आलेल्या निवेदनाची प्रत जोडली आहे. शासन निर्णयानुसार 7 दिवसांत चौकशी करण्यात यावी

आता सरकारी पत्रात भाजपच्या आमदाराचाच भूमाफिया असा उल्लेख समोर आल्यानं विरोधकांनी सरकारला घेरलंय... तर हे पत्र सभागृहात मांडण्याचा इशारा नाना पटोलेंनी दिलाय...त्यामुळे सरकारी पत्रातील भाजपच्या आमदाराच्या भूमाफिया उल्लेखावरुन राजकारण आणखीच तापण्याची चिन्हं आहेत...