वसई-विरार : नालासोपारा पोलीस ठाण्यात रुजू असणाऱ्या 30 वर्षीय महिला अंमलदाराला सर्पदंश झाल्याची घटना समोर आली आहे. खिडकीतून हात बाहेर काढून धूत असताना साप चावला आहे. पण हा साप कोणत्या जातीचा आहे हे मात्र समजू शकलेले नाही.

हे देखील पहा :

मिळालेल्या माहितीनुसार नालासोपारा पोलीस ठाण्यात रुजू असणाऱ्या महिला पोलीस शिपाई पूजा राठोड (३०) यांना सर्पदंश झाला आहे. हि घटना रविवार (दि.२१) रोजी घडली आहे. दुपारच्या वेळी जेवण करण्यासाठी पूजा राठोड या खिडकीतून हात धुवत असताना त्यांच्या हाताला सर्पदंश झाला.

मात्र, त्यांना हि गोष्ट समजून आली नाही. सर्पदंश झाल्याचा इतर पोलिसांना अंदाज आला आणि तातडीने त्यांना रुग्णालयात दाखल करण्यात आले. सध्या त्यांची प्रकृती स्थिर असल्याची माहिती नालासोपारा चे वरिष्ठ पोलीस निरीक्षक यांनी दिली आहे.

Edited By : Krushnarav Sathe