Nagpur Election News: नागपूर जिल्हा पंचायत समितीतील सभापती आणि उपसभापती निवडणुकीत सत्ताधारी भाजपचा धुव्वा उडाला आहे. नागपूर (Nagpur) जिल्ह्यातील 13 पंचायत समिती सभापती, उपसभापती निवडणुकीचा (Election) निकाल जाहीर झाला आहे. यात काँग्रेसने 10 तर राष्ट्रवादीने 3 जागांवर विजय मिळवला आहे. तर, सत्तधारी भाजपला याठिकाणी खातेही उघडता आले नाही. विशेष म्हणजे गेल्या निवडणुकीत भाजपकडे असलेल्या कुही आणि कामठी या जागाही भाजपने गमविल्या आहेत. त्यामुळे यंदाच्या नागपूर जिल्हा पंचायत समितीच्या निवडणुकीत काँग्रेसची सरशी लागली आहे. (Nagpur Election News)

पंचायत समिती पैकी 9 जागेवर काँग्रेसचा सभापती, 3 जागेवर राष्ट्रवादीचा सभापती तर एका जागेवर शिंदे गटाचा सभापती निवडणूक आला आहे. धक्कादायक म्हणजे पंचायत समिती सभापती निवडणुकीत भाजपची पाटी कोरीच राहिली आहे.

त्यामुळे आता उद्याच्या अध्यक्ष पदाच्या निवडणुकीकडे सर्वांचे लक्ष लागले आहे. काँग्रेसने नागपूर ग्रामीण, कामठी, सावनेर, पारशिवानी, उमरेड, मौदा, कुही व भिवापूर, मौदा या पंचयातीत विजय मिळवला आहे. तर राष्ट्रवादीनेने नरखेड, काटोल व हिंगणा येथे सत्ता स्थापन केली आहे. दुसरीकडे शिंदे गटाला रामटेक पंचायत समितीची सत्ता मिळाली आहे.

Edited By - Akshay Baisane