पराग ढोबळे, नागपूर

Nagpur 64 Years Old Lawyer Ankush Pantwane Death By Hert Attack नागपूरमधून मोठी बातमी समोर आली आहे. नागपूरमधील ज्येष्ठ वकील अंकुश पानतावणे यांना न्यायालयात हृदय विकाराचा झटका आल्याने त्यांचा मृत्य झाला. या घटनेने ॲड. पानतावणे यांच्या कुटुंबियांवर दुःखाचा डोंगर कोसळला असून वकिली क्षेत्रातून हळहळ व्यक्त केली जात आहे. ॲड. पानतावणे हे कुटुंब न्यालयाचे वकील संघटनेचे सहचिव ॲड. निलेश पानतावणे यांचे वडील आहेत.

मिळलेल्या माहितीनुसार,ॲड. अंकुश पानतावणे हे ६४ वर्षांचे होते. त्यांच्या नातेवाईकांचे मंगळवारी निधन झाले. त्यानिमित्ताने ते चंद्रपूर येथे गेले होते. चंद्रपूर येथून काम आटपून त्याच दिवशी रात्री ते नागपूरला परतले. त्यानंतर नेहमीप्रमाणे ते मॉर्निंग वॉकला चालायला गेले. दुपारी १२ - १२ :३० च्या सुमारास ते कुटुंब न्यायालयात आले.

न्यायालयाच्या पहिल्या मजल्यावर पायऱ्या चढत असताना ॲड. अंकुश पानतावणे यांच्या छातीत जोरात कळ आली. ही कळ इतकी वेदनादायी होती की ते जागीच कोसळले. त्यानंतर त्यांना न्यालयातील उपस्थित लोकांनी रुग्णालयात तातडीने हलवले. मात्र उपचारापूर्वीच त्यांचा मृत्यू झाला. या घटनेने ॲड. पानतावणे यांच्या कुटुंबियांवर दुःखाचा डोंगर कोसळला आहे.