नागपूर - महिलांनी वाहतुकीचे नियम पाळावे, त्यांना शिस्त लागावी, रस्ते सुरक्षितता, कारवाई करताना महिला वाहन चालकांना होणारा संकोच लक्षात घेता नागपूर (Nagpur) आरटीओकडून (RTO) महिला अधिकाऱ्यांचं ‘सावित्री पथक’ गठित करण्यात आलं आहे. जागतिक महिला दिनानिमित्त या ‘सावित्री पथक’ सुरुवात करण्यात आली. राज्यातील हा पहिलाच प्रयोग आहे.

हे देखील पहा -

नागपूर शहर आणि ग्रामीण प्रादेशिक परिवहन कार्यालयाने जिल्ह्यातील रस्ते सुरक्षितता समिती, जिल्हाधिकारी कार्यालयासोबत समन्वय साधून नागपूर शहर, ग्रामीण, पूर्व नागपूर आरटीओतील महिला अधिकाऱ्यांना घेऊन हे सावित्री पथक तयार केलं आहे. तसंच हे पथक जिल्ह्यातील वेगवेगळया भागात महिलांशी संपर्क साधून त्यांना केंद्र आणि राज्य परिवहन योजनांबाबत माहिती देणे, आरटीओशी संबंधित सेवांची माहिती देणे, वाहन चालवताना स्वत:सह वाहनांची काळजी कशी घ्यायची, वाहनांबाबत तांत्रिक ज्ञान, वाहनांशी संबंधित विविध कागदपत्रे, रस्त्यावरील नियम या पथकाच्या माध्यमातून सांगितले जाणार आहे.