Nagpur Crime News: जिओ मोबाईल टॉवरच्या बॅटऱ्यांची चोरी करणाऱ्या एका आंतरराज्यीय टोळीला जेरबंद केली आहे. नागपूर ग्रामीण पोलिसांनी ही मोठी कारवाई केली आहे. या टोळीकडून २६ लाखांचा मुद्देमाल जप्त करण्यात आला असून पाच जणांना अटक करण्यात आली आहे. (Crime News In Marathi)

याबाबत सविस्तर माहिती अशी की, नागपूर (Nagpur) ग्रामीण पोलिसांनी जिओ मोबाईल टॉवरच्या बॅटऱ्यांची चोरी करणाऱ्या एका आंतरराज्यीय टोळीचा पर्दाफाश केला आहे. या टोळीकडून २६ लाखांचा मुद्देमाल जप्त करण्यात आला असून पाच जणांना अटक करण्यात आली आहे.

या टोळीकडून चोरीच्या 82 बॅटरीज जप्त करण्यात आल्या असून त्याची किंमत 26 लाख एवढी आहे. या टोळीमधील पाच सदस्यांना अटक करण्यात आली असून यातील एक दिल्लीचा आहे. आधी ज्या ठिकाणी जिओ मोबाईल टावर लागले आहे त्या ठिकाणी जावून रेकी करायची आणि मग त्या ठिकाणी जाऊन त्या टॉवर मधील बॅटरीची चोरी करायचे.. असा या टोळीचा प्लॅन होता.

प्रत्येक जिओ टावरला (JIO) या बॅटरी लागलेल्या असतात आणि या एका बॅटरीची किंमत जवळपास 80 ते 90 हजाराच्या घरात आहे. अशा एकूण 82 बॅटरी या टोळीने चोरल्याचं उघड झालं असून त्याची किंमत 26 ते 27 लाखाच्या घरात आहे. या टोळीने नागपूर ग्रामीण भागात अक्षरशा हैदोस माजविला होता. (Latest Marathi News)