नागपूर : दिवाळीच्या काळात अन्न पदार्थांमध्ये मोठ्या प्रमाणात भेसळ होण्याची शक्यता असते. त्या अनुषंगाने अन्न व औषधी प्रशासन विभागाने धडक मोहीम राबवत (Nagpur) नागपूरमध्ये वीस लाखांचा अन्न पदार्थाचा साठा भेसळयुक्त असल्याच्या संशयावरून जप्त केला. (Live Marathi News)

दिवाळी (Diwali) सारख्या सणासुदीच्या काळात अन्न पदार्थांची मोठ्या प्रमाणात मागणी वाढत असते. मात्र त्याचा फायदा काही व्यापारी घेतात आणि भेसळयुक्त माल बाजारात आणतात. यावर लक्ष करत अन्न व औषध विभागाने विशेष मोहीम राबवून नागपुरात 16 ठिकाणी धाड टाकल्या. यामध्ये 10 हजार 883 किलो वजनाच्या अन्न पदार्थाचा साठा भेसळीच्या संशयावरून जप्त केला आहे. ज्याची किंमत 20 लाख 19 हजाराच्या घरात आहे. यात तेलापासून वेगवेगळ्या खाद्य पदार्थांचा समावेश आहे.

नमुने तपासणीसाठी

जप्त केलेल्या अन्नपदार्थांचा नमुने तपासणीसाठी पाठवण्यात आलेले असून आता अन्न व औषधी प्रशासन विभाग रिपोर्टची वाट पाहत आहे. सणासुदीच्या काळात पैशाच्या लालचे पोटी अनेक जण असे पावलं उचलतात. मात्र त्याचा परिणाम सामान्य जनतेला भोगावा लागतो. त्यामुळे आता अन्न प्रशासन विभाग या सगळ्या बाबी वर कडक नजर ठेवून आहे.