नागपूर : मध्यप्रदेशमधून येऊन नागपुरात घरफोडी करणाऱ्या गॅंगचा पर्दाफाश करण्यात गुन्हे शाखा पोलिसांना यश आले. यासाठी गुन्हे शाखा (Police) पोलिसांनी जवळपास 120 सीसीटीव्ही (CCTV) कॅमेऱ्याच फुटेज तपासून आरोपी निष्पन्न केले. यानंतर मध्यप्रदेशच्या ग्वालेरमधून दोन आरोपींना अटक केली. त्यांच्याकडून एका कारसह सोन्या– चांदीचे दागिने आणि कॅश हस्तगत करण्यात आली. (Breaking Marathi News)

मध्यप्रदेशच्या इंदोरमधील एक गॅंग नागपुरात (Nagpur News) येऊन आधी एक बाईक चोरतात आणि त्याच बाईकचा सहारा घेत खाली घरांची रेकी करून रात्रीच्या वेळी त्या घरात चोरी करतात. अशीच एक घटना तहसील पोलीस स्टेशन हद्दीत घडली आणि पोलिसांसह गुन्हे शाखेने या घटनेचा तपास सुरू केला. मात्र आरोपी हाती लागत नसल्याने गुन्हे शाखा पोलिसांनी जवळपास 120 सीसीटीव्ही कॅमेऱ्याच फुटेज तपासले. त्या फुटेजच्या आधारावरून आरोपी निश्चित करण्यात आले.

एक आरोपी फरार

आरोपींची तांत्रिक पद्धतीने माहिती काढली असता मध्यप्रदेशच्या (Madhya Pradesh) ग्वाल्हेर भागात असल्याचे समोर आले. त्यानुसार पोलिसांनी आपले पथक पाठवत ग्वाल्हेरवरून दोन आरोपींना अटक केली. तर एक मात्र फरार झाला. हे तीनही आरोपी मध्यप्रदेशच्या इंदोरमधील राहणारे असून ते अशा प्रकारे वेगवेगळ्या शहरात जाऊन आधी बाईक चोरतात आणि मग त्या बाईकवर फिरत घरफोड्या करत असल्याचा तपासात पुढे आले.