नागरिकांच्या सुरक्षेची जबाबदारी असणाऱ्या पोलिसाच्या घरावरच चोरट्यांनी हात घातलाय.चोरट्यांनी पोलिसाच्या घरात घुसून बंदूक, काडतुसे गायब केले आहेत. नागपूरच्या पोलीस वसाहतीत घडलेल्या या घटनेची चर्चा संपूर्ण शहरात रंगली आहे. (Latest News In Marathi)
पोलीस कर्मचारी मंगेश लांजेवार यांच्या घरात ही चोरी झाली आहे. नागपुरात राज्य राखीव दलाच्या कमांडंटचे गनमॅन असलेल्या मंगेश यांच्या बंदुकीच्या ३० गोळ्यांसह पिस्तूल चोरीला गेले आहे. धक्कादायक म्हणजे, ही चोरी पोलीस वसाहतीतील कर्मचाऱ्याच्या घरात घुसून करण्यात आली आहे. त्यामुळे नागरिकांच्या मालमत्तेचे संरक्षण करण्याची जबाबदारी असलेल्या पोलिसांनाच चोर थेट आव्हान देत असल्याचे चित्र आहे.
राज्य राखीव पोलीस दलातील कार्यरत असलेले मंगेश लांजेवार हे पोलीस वसाहतीत राहतात. साप्ताहिक सुट्टी असल्याने मंगेश हे भंडारा येथे गेले होते. बाहेर जाताना त्यांनी पिस्तूल आणि ३० जिवंत काडतुसे घरातच ठेवली होती.
चोरट्यांनी मंगेश यांच्या घराचे कुलूप तोडूनन घरात प्रवेश केला. त्यानंतर घरातील कपाटाचेही कुलूप तोडले आणि पिस्तूल- काडतुसे चोरुन नेली. मंगेश पुन्हा नागपूरला परतल्यावर घराच्या दरवाजाचे कुलूप तुटलेले दिसले.
घरात गेल्यावर बंदूक आणि काडतुसे गायब असल्याचे त्यांच्या निदर्शनास आले. याप्रकरणी एमआयडीसी पोलीस स्टेशनमध्ये घरफोडीचा गुन्हा दाखल करण्यात आला आहे. पोलीस याप्रकरणी तपास करत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.