Nagpur Crime News: विवाहीत महिलेची तिच्या प्रियकराकडून दगडाने ठेचून निर्घृणपणे खून केल्याची धक्कादायक घटना नागपूरमध्ये (Nagpur) घडली आहे. शनिवार (२५, मार्च) रोजी या खळबळजनक हत्येचा खुलासा झाला असून आरोपी प्रियकराला पोलिसांनी ताब्यात घेतले आहे. या भीषण हत्येने नागपूर शहर परिसरात खळबळ माजली आहे. (Latest Marathi News)

याबाबत अधिक माहिती अशी की, संबंधित विवाहित महिला गेल्या तीन दिवसांपासून बेपत्ता होती. कुटुंबीयांनी महिला बेपत्ता असल्याची तक्रार 23 मार्चला वाठोडा पोलीसांना दिली होती. तक्रार दाखल होताच पोलिसांनी तपास कार्याला सुरूवात केली होती. तपासादरम्यान, या महिलेचे दिपक इंगळे नामक एसटी बस चालकाशी अनैतिक संबंध असल्याची माहिती पोलिसांना लागली. याच माहितीद्वारे पोलिसांनी त्याला चौकशी केली असता त्याने खून केल्याची कबूली दिली.

घटनेच्या दिवशी गुरूवार दि हिंगणा परिसरातील रुई शिवारात दीपक विवाहित महिलेला घेऊन गेला. विवाहित महिलेचे आणखी लोकांशी संबंध असल्याचा संशय त्याच्या मनात होता. यावरुनच दोघांमध्ये भांडण झाला. या भांडणातूनच त्याने दगडाने ठेचून महिलेचा खून केला. शनिवारी संध्याकाळी वाठोडा पोलिसानी मृतदेह ताब्यात घेतला आहे. या संपूर्ण प्रकरणाचा अधिक तपास बाठोडा पोलिस करत आहेत. (Crime News)