Nagpur Crime News: महाराष्ट्राची उपराजधानी म्हणून ओळखल्या जाणाऱ्या नागपूर शहरातून एक संतापजनक घटना उघडकीस आली आहे. नागपुरात एका ३२ वर्षीय विवाहित महिलेवर दोन नराधमांनी सामूहिक अत्याचार केला आहे. सीताबर्डी परिसरात रविवारी (२५ जून) रात्रीच्या सुमारास ही घटना घडली. याप्रकरणी पीडित महिलेने दिलेल्या फिर्यादीवरून पोलिसांनी दोन संशयित आरोपींना अटक केली आहे.

पिंटू गजभिये आणि कार्तिक चौधरी अशी आरोपींची नावे आहेत. पोलिसांनी दिलेल्या माहितीनुसार, ३२ वर्षीय पीडित महिला ही मध्यप्रदेशातील आहे. पीडिता आपल्या पतीपासून विभक्त राहत असून तिला दोन मुले देखील आहे. साधारण ३ वर्षांपूर्वी पीडितेची ओळख फेसबुकवरून पिंटू गजभिये याच्याशी झाली होती.

पिंटूने या महिलेला नोकरी मिळऊन देण्याचा बहाण्याने भेटायला नागपुरात बोलावले होते. रविवारी रात्री १० वाजेच्या सुमारास पीडित महिला बसने मध्यप्रदेशातून नागपूर स्थानकावर आली. तिथून आरोपीने तिला कारमध्ये बसवून नागपूर ग्रामीण येथील सावनेरमध्ये नेले.

यादरम्यान पिंटू गजभिये आणि त्याचा सहआरोपी कार्तिक चौधरी यांनी महिलेवर बलात्कार केला. रात्रभर तिला गाडीत बसवल्यानंतर पुन्हा सीताबर्डी कॅम्पसमध्ये आणून सोडण्यात आले. दरम्यान, या घटनेनंतर पीडितेने तातडीने पोलिसात धाव घेतली. या प्रकरणातील दोन्ही आरोपींना पोलिसांनी अटक केली आहे. या घटनेनं परिसरात मोठी खळबळ उडाली आहे.

Edited by - Satish Daud