नागपुरातून भावा-भावाच्या नात्याला काळीमा फासणारी घटना उघडकीस आली आहे. शेतीतील वाद विकोपाला गेला. याच कारणातून मोठ्या भावानं लहान भावाची निर्घृण हत्या केली. तसेच पेट्रोल टाकून मृतदेह जाळला. मिळालेल्या माहितीनुसार, दोघा भावांमध्ये विहीर, पाणी, पाइपलाइन आणि शेत रस्त्यावरून वाद सुरू होता. याच कारणातून मोठ्या भावानं छोट्या भावाची हत्या केली. या प्रकरणानंतर परिसरात खळबळ उडाली आहे.

अरूण तुरारे (वय वर्ष ४३) असे मृत तरूणाचे नाव आहे. तर, चंद्रशेखर तुरारे असे आरोपी मोठ्या भावाचे नाव आहे. याचं कुटुंब नागपुरात वास्तव्यास होते. मिळालेल्या माहितीनुसार, दोघांमध्ये मागील तीन वर्षांपासून वाद सुरू होता. विहीर, पाणी, पाइपलाइन आणि शेत रस्त्यावरून वाद सुरू असल्याची माहिती आहे.

या कारणावरून दोघांमध्ये वाद झाला. वाद विकोपाला गेला. याच वादातून मोठ्या भावाने लहान भावाची गोळ्या झाडून हत्या केली. त्यानंतर मृतदेहाला नाल्यात टाकून आरोपीनं मृतदेह जाळण्याचा प्रयत्न केला. अरूण तुरारे घरी आला नसल्याने कुटुंबाने चिंता व्यक्त केली. मात्र, नाल्याजवळ मानवी हाडे जळालेल्या अवस्थेत आढळल्याने हा प्रकार उघडकीस आले.

चार दिवसांपूर्वी रस्ता वादातून भावंडांमध्ये तीव्र भांडण झाल्याचे निष्पन्न झाले. या प्रकारानंतर अरूण यांची पत्नी ज्योत्स्नाने पोलीस ठाण्यात धाव घेतली. तसेच तक्रार दाखल केली. पत्नी ज्योत्स्नाच्या तक्रारीवरून खून आणि पुरावे नष्ट केल्याचा गुन्हा पोलिसांनी दाखल केला. दरम्यान, आरोपीने पुरावे नष्ट करण्यासाठी मृतदेह नाल्यात टाकून जाळले असल्याची कबुली केली. मृतकाच्या मागे पत्नी आणि दोन अल्पवयीन मुले असल्याची माहिती आहे. या घटनेनंतर परिसरात खळबळ उडाली आहे.