नगर : अहमदनगर (nagar), बीड (beed) व पुणे (pune) जिल्ह्यातील तीन मोक्का गुन्ह्यात तसेच सातारा (satara), औरंगाबादसह (aurangabad) पाच जिल्ह्यातील इतर 23 अशा एकूण 26 गुन्ह्यात फरार असलेला सराईत गुन्हेगार स्थानिक गुन्हे शाखेच्या (lcb) पथकास जेर बंद करण्यात यश आले आहे. गुप्त बातमीदार मार्फत माहिती मिळाल्यानंतर संशयित आरोपी संदीप उर्फ संदिप्या भोसले याच्या पाेलिसांनी मुसक्या आवळल्या आहेत. (nagar latest marathi news)

संदीप उर्फ संदिप्या भोसले हा रत्नागिरी परिसरात नाव बदलून रहात आहे. ताे लाल रंगाचे दगडाच्या खाणीत मजूर म्हणून काम करत आहे अशी माहिती एलसीबीला मिळाली. त्यानूसार स्थानिक गुन्हे शाखेतील अधिकारी व अंमलदार यांनी वेषांतर करून खाणीत ट्रक ड्रायव्हर व मजूर म्हणून कामगारांसोबत तीन दिवस मुक्कामी राहून काम केले.

ज्या ठिकाणी संदिप्या राहत हाेता त्याठिकाणी एलसीबीने छापा घालताच ताे पळून जाऊ लागला. एलसीबीचे पथक देखील त्याच्या पाठीमागे धावले. सुमारे तीन किलोमीटरचा पाठलाग करून त्यांनी संदिप्याला ताब्यात घेतले.

संदीप उर्फ संदिप्या ईश्वर भोसले याला पारनेर पोलिस ठाण्यात हजर केले. त्यानंतर त्याने गुन्ह्यांची कबूली दिल्याची माहिती (मनोज पाटील, पोलिस अधीक्षक, अहमदनगर) यांनी दिली.

Edited By : Siddharth Latkar