सातारा : काही दिवसांपुर्वी माझ्यावर दाखल झालेल्या गुन्ह्याशी माझा दुरान्वये संबंध नाही. जी व्यक्ती गुन्हा दाखल करायला पोलीस (police) ठाण्यात गेली होती. तिनेच कायद्याचा गैरवापर केला असून खोटा गुन्हा दाखल करणा-याची चौकशी करुन संबंधितावर गुन्हा दाखल करावा या मागणीसाठी प्रभागातील नागरिक (satara) उद्या (मंगळवार) शांततेच्या मार्गाने मोर्चा (morcha) काढणार आहेत अशी माहिती माजी नगरसेवक रवींद्र ढोणे (ravindra dhone) यांनी दिली. विक्रांत दुबळे यांनी ढाेणेंवर दाखल केलेल्या गुन्ह्याबाबतची नेमकी माहिती देण्यासाठी आयाेजिलेल्या पत्रकार परिषदेत ढाेणे बाेलत हाेते. (satara latest marathi news)

माजी नगरसेवक रवींद्र ढोणे म्हणाले, माझ्या प्रभागातील जे मतदार आहेत. त्या मतदारांसाठी मी आमदार शिवेंद्रराजे (shivendraraje bhosale) यांच्या मार्गदर्शनाखाली विकासकामे करतो. कामे चांगल्या दर्जाची होत आहेत. वॉर्डाचा विकास होत आहे. त्यामुळेच काहीजणांना खूपू लागले आहे. त्यामुळे खोटय़ा तक्रारी करणे, खोटे गुन्हे दाखल करणे असा प्रकार सुरु झालेला आहे.

येत्या निवडणूकीत मी निवडणूक लढवत असल्याने विरोध म्हणून सुरु आहे. माझ्यावर गुन्हा दाखल करताना पोलिसांनी दुसरी बाजू म्हणून मला बोलवायला हवे होते. तसे बोलवलेही नाही. मी ११ तारखेस प्रभागातच नव्हतो. असं असताना माझ्यावर गुन्हा दाखल झाल्याने माझ्या वार्डातील नागरिक मंगळवारी मोर्चा काढणार आहेत. लोकशाही पद्धतीने सनदशीर मार्गाने हा मोर्चा काढण्यात येणार आहे, असेही त्यांनी सांगितले.

Edited By : Siddharth Latkar