वैदेही कानेकर| मुंबई, ता. १५ जून २०२४

लोकसभेचा रणसंग्राम थंड होताच राज्याच्या राजकारणात विधानसभा निवडणुकांचे वारे वाहू लागले आहेत. लोकसभेत घवघवीत यश संपादन केल्यानंतर महाविकास आघाडीचा उत्साह वाढलेला असतानाच पिछेहाट झालेल्या महायुतीच्या गोटात थोडी अस्वस्थता आहे. अशातच लोकसभेच्या वेळेस महायुती विरोधात नरेटीव सेट करण्यात आला, मात्र विधानसभेसाठी आमचा मास्टर प्लॅन तयार आहे, असे म्हणत शिवसेना शिंदे गटाचे नेते शंभूराज देसाई यांनी महत्वाचे विधान केले आहे.

काय म्हणाले शंभूराज देसाई?

"तीच गोष्ट भाजप आणि राष्ट्रवादीने केली. आम्ही आमचं काम करतोय. महाविकास आघाडीने एकमेकांची रस्सीखेच आणि कुरघोड्या कराव्या. लोकसभा निवडणुकीमध्ये ज्या काही गोष्टी आमच्या अनुभवाला आल्या. यातील सुधारणा करून विधानसभेला 200 च टार्गेट ठेवून आम्ही महायुतीच्या माध्यमातून निवडणुकीला पुढे जाणार आहोत," असे शंभूराज देसाई म्हणाले.

"लोकसभा निवडणुकीनंतर शिवसेना म्हणून आम्ही त्याच्यावर चिंतन केलेलं आहे. मुख्यमंत्री एकनाथ शिंदे यांनी सगळ्या प्रमुख नेत्यांची चार तास बैठक घेतली. आमचे काय लूप होल्स होते? काय चुका होत्या ? काय त्रुटी राहिल्या? कुठे कमी पडलो? हे लोकसभेमध्ये आम्हाला शिकायला मिळाले आणि कशी दुरुस्ती करायची याचा मास्टर प्लॅन आम्ही तयार केला आहे."

"तीच गोष्ट भाजप आणि राष्ट्रवादीने केली. आम्ही आमचं काम करतोय. महाविकास आघाडीने एकमेकांची रस्सीखेच आणि कुरघोड्या कराव्या. लोकसभा निवडणुकीमध्ये ज्या काही गोष्टी आमच्या अनुभवाला आल्या. यातील सुधारणा करून विधानसभेला 200 च टार्गेट ठेवून आम्ही महायुतीच्या माध्यमातून निवडणुकीला पुढे जाणार आहोत," असे शंभूराज देसाई म्हणाले.